六个星期话咁快就过去咗，我哋仲未有失主嘅消息——当然呢个啱晒我心水（正合我意）。如果揾到失主，我哋就必须将钱钱送翻去，而我真系好想将钱钱留喺我嘅身边。

爸爸妈妈都已经习惯咗同钱钱一齐生活，于是钱钱就留咗喺我哋屋企。

我谂，唔使我讲，你哋都估得到，钱钱同我已经成为咗最好嘅朋友啦。

但系我仲系隐隐约约咁担心，有一日失主会突然嚟到我哋屋企门口，将钱钱从我哋身边带走······

呢件事发生嗰时，钱钱已经喺我哋屋企住咗半年啦。

佢真系一只友善温顺、善解人意嘅狗仔。我第一次睇到咁样一只狗，佢嘅眼入面闪烁住智慧嘅光。有时我甚至敢肯定，佢完全听得明我讲嘅话。

拉布拉多犬中意游水。但系我觉得，钱钱比任何狗都更加中意游水，每次睇到小溪同湖，佢都要跳入去游一阵。我真系好想带佢去海边，等佢可以喺开阔嘅沙地上面开心咁跑，仲可以玩水，嗰时佢一定会好开心。不过爸爸妈妈话，呢种事宜家谂都唔好谂，因为爸爸嘅生意唔系好好，去海边度假简直系冇可能嘅事。

星期日，我同钱钱会沿住一条河散步，呢条河穿过成个城市。呢条河好阔，睇起离好似海咁样，我哋企喺桥下面嗰时，就可以睇到啲河水流得又急又快。

我都唔知钱钱嗰个星期日做乜嘢。朝早佢仲好高兴，不过我哋照例去散步，行到河边嗰时，佢就突然抌低我，搏命跑，好快我就睇唔到佢。我不停咁叫佢个名，到处揾佢，揾到我都绝望啦。突然，我喺河入面有只狗仔，搏命挣扎紧，系钱钱！直到宜家我都唔知道钱钱系点样跌落河入面嘅，因为佢知道我哋唔准佢跳入一条咁样嘅河入面。呢条河嘅水流好急，佢四只脚不停咁郁，搏命游去桥边。两个桥墩中间有一张网，钱钱俾张网缠住咗。啲浪一次又一次浸过佢个头，佢越嚟越难呼吸。佢就快冇气啦，我睇住佢就快俾水浸死。

我要就钱钱！我唔可以睇住佢浸死！我乜嘢都嚟唔切谂，毫不犹豫咁跳咗入水，因为当时已经冇时间等我考虑其他更加理智嘅方法啦，我一定要救钱钱！

一切都发生得太快，我即刻就俾水淹没咗。我俾啲水浊亲(被水呛到)，搏命咳，心入面好惊。四周围都系污糟邋遢嘅水，我完全分唔清方向。后来我晕咗，冇咗知觉，之后发生嘅事我完全谂唔起身。

后来爸爸妈妈话俾我听，我都跌入咗嗰张缠住钱钱嘅网入面，好彩当时有部巡逻船喺附近，佢哋将我同钱钱一齐从水入面救翻出嚟，嗰时我嘅手臂仲揽紧钱钱。

医院几个钟头之后就翻咗屋企。但系接落嚟嘅呢几日，我仲系好虚弱，必须要训喺床上面休息。

钱钱好得快过我好多，佢寸步不离咁守住我，踎喺我前面几个钟头，一直望住我。我从佢嘅眼神入面就睇得出，佢明白发生咗乜嘢。

狗识用感恩嘅眼神睇住你，呢个系好多人做唔到嘅。钱钱望住我几个钟头，眼入面充满咗善意同感激。

当然，我当时仲唔知道之后发生嘅一切......

冇几耐之后，我就十二岁啦。一切仲系同之前一样，我哋仲系冇去海边度假。爸爸妈妈仲系讲，生意受到“经济衰退”嘅影响。佢哋嘅意思系，国内经济系导致佢哋财务问题嘅根源。但系我就有一个疑问，点解喺同样嘅经济形势之下，我嘅朋友莫妮卡嘅爸爸妈妈嘅财务状况就越嚟越好呢？每次我咁问嗰时，爸爸妈妈都好嬲，对我嘅问题置之不理。一年入面有好几个月，爸爸嘅收入都唔理想，屋企入面嘅气氛非常之压抑。妈妈耐唔耐（久不久）就话，如果冇买呢间屋就好啦。我认为咁样谂完全就系嘥时间，因为时间系冇办法逆转嘅。另外，如果我哋冇买呢间屋，我就唔可以养钱钱啦。

有一日，发生咗一件难以置信嘅事。

当时，我决定要打电话预订一张我最中意嘅乐队新出嘅CD。我啱啱喺电视嗰度睇到咗呢个广告，就记低咗呢个电话。

我坐喺电话隔离，开始?电话号码。突然，我听到一把声同我讲：“吉娅，你应该谂吓先，你系唔系真系买得起呢张CD！”

我吓咗一跳，四围望，度门閂埋，屋入面净系得我一个人。亦即系话，屋入面冇其他人——得钱钱同我起埋一齐。或者呢把声系错觉。我冷静落嚟，又拎起个听筒——我啱先吓到抌咗个听筒。我又开始?电话号码。突然，嗰把声又讲：“吉娅，如果你买咗CD，咁你呢个月嘅零用钱就使晒啦。”

钱钱踎（蹲）喺我嘅面前，??高头（抬起头）望住我。嗰把声系佢发出嚟嘅？冇可能嘅。我又激动又惊。“狗系唔识讲话嘅，就算系好似钱钱咁叻嘅狗，都唔可以识讲话。”我心入面谂。

“好耐好耐之前，所有嘅狗都识讲话——只不过佢哋讲话嘅方式同人唔一样。不过后来呢种能力慢慢退化咗。”钱钱望住我讲：“不过我仲保留住呢种能力。”

我曾经喺电影入面睇到一只识讲话嘅骆驼。“但系嗰部系电影，”我心谂，“而我哋宜家唔系拍戏，我宜家喺现实之中。”我个脑入面突然有一个谂法：“或者我只系发紧梦？”我大力咁搣（掐）咗吓我嘅手臂，哎呀！好痛啊！——睇嚟我并冇发梦。

钱钱一直望住我。过咗一阵，我又听到嗰把声，“我哋宜家系唔系可以正常咁讲话？定系你仲要再搣吓自己，再惊一阵呢？”

我突然就觉得自己可以听到钱钱讲话系一件好正常嘅事，好似我哋已经咁样讲话讲咗好几年。我冇办法解释点解我会有呢种感觉。只系有一点我觉得好奇怪：钱钱讲话嗰时，佢个嘴唔识郁（动）。

“狗讲话嘅方式比你哋人类先进好多。当我哋想传达信息嗰时，我哋就直接将信息送入对方嘅大脑入面。”钱钱话，“所以，我亦都知你谂紧乜嘢。”

听到呢度嗰时，我真系俾佢吓亲。“即系话，你可以读到我嘅全部谂法？”我问，同时搏命回忆自己之前都谂过乜嘢。

但系钱钱打断咗我嘅思路。佢话：“我当然知道你嘅谂法，我只要一接近一个人，就可以喺一定程度上面听到佢嘅谂法。所以我知道你好难过，因为你嘅爸爸妈妈出现咗好多财务问题，而且我仲知道你都要犯同样嘅错误，步佢哋嘅后尘。一个人可唔可以安排好自己嘅消费，其实好早就已经定型。其实，我本来唔想同你讲话嘅，因为一旦科学家知道咗我呢个能力，佢哋就会将我放喺个笼入面，喺我嘅身上做各种各样嘅实验。所以我从来都冇话俾任何人听我识讲话。但系你冒住生命危险救咗我，所以我要为你破例。但系你一定要保守秘密，唔可以俾任何人知道呢样嘢。”

我有一大堆问题想问钱钱。我想知道，佢系从边度嚟到呢度嘅，以前嘅主任系边个，到底边个咬伤咗佢······但系我仲未开口问，佢就话：“我哋可以倾计，呢个系上天嘅恩赐——你将来会更加理解我呢句话。宜家我哋唔应该嘥时间嚟回答呢啲问题。我建议，我哋只系倾关于钱嘅问题，因为我想尽可能咁帮你降低风险。”

“但系我对其他话题更加感兴趣喔。”我心谂，况且妈妈成日同我讲，“钱并唔系人一生中最重要嘅嘢。”

“我都唔认为钱系人一生中最重要嘅嘢。但系如果我哋缺钱嘅话，钱就会变得好重要。你谂下嗰次，我哋争啲浸死喺河入面嘅情形，当时我哋谂到嘅只系我哋必须要从河入面爬翻上嚟，其他嘅一切都唔重要。而你嘅爸爸妈妈宜家面对嘅就系咁样嘅局面。因为佢哋嘅经济状况太差啦。所以先会不停咁倾钱呢个问题——佢哋就好似跌落河嘅人，随时都有俾水浸死嘅危险。我想帮你，系因为我希望你唔好犯你爸爸妈妈犯嘅错。如果你愿意，我可以帮你，令钱成为你生活入面一种令人快乐嘅力量。”

我从来都冇考虑过呢个问题。我当然希望爸爸妈妈可以有更加多嘅钱，不过我仲系有啲怀疑：俾只狗仔嚟做经济顾问，掂唔掂?？

“你睇住嚟啦。”钱钱嘅笑容好似带住少少骄傲。跟住佢话：“有一件好重要嘅事，就系唯有你真系愿意，我先帮得到你。所以你要认真咁考虑吓。你哋人类成日自己呃自己，我建议你，有时应该将自己嘅谂法用笔写落嚟。唔该你喺听日之前谂10个你想变得好有钱嘅原因，亦即系你嘅十个愿望，跟住用笔写低。听日下昼六点钟，我哋一齐去树林散步。”

我觉得宜家就学钱方面嘅嘢对我嚟讲，实在系太早啦。而且爸爸妈妈嘅经历都令我觉得，钱并唔乜嘢好嘢。

钱钱当然听到咗我嘅谂法。我即刻又听到佢把声话，“你爸爸妈妈之所以会陷入经济困境，系因为佢哋好似你咁大嗰时，冇学识理财。老子话：‘天下难事，必作于易；天下大事，必作于细。’钱有一啲秘密同规律，我可以慢慢解释俾你听。但系前提系，你自己必须要真系有‘想变得有钱’呢个愿望，所以你必须揾到十个‘想变得有钱’嘅理由。喺你揾到呢啲理由之前，我唔会再同你讲话。”

嗰日剩啲嘅时间入面，我搏命谂，我嗰日实在有太多嘢要谂啦，但系唔理点样，我都决定绝对唔同任何人讲呢个新嘅发现。我绝对唔希望钱钱成为科学家实验嘅牺牲品。我好似睇到佢哋将钱钱放入一个好细嘅笼入面，又喺佢嘅身上插好多管。唔可以！我绝对唔允许有人咁样对钱钱！所以我唔可以将钱钱识讲话嘅事话俾任何人听。而且我都决定唔继续追究钱钱以及佢身上发生嘅奇迹，我有一个预感，我永远都搞唔清楚呢啲嘢。

而且，我都唔明白点解从宜家开始就必须要考虑钱嘅问题。我谂起咗嗰句中国嘅名言：“天下难事，必作于易；天下大事，必作于细。”呢句话究竟系咩嘢意思啊？

我突然谂到邻居嘅狗——亨瑞。邻居养亨瑞嗰时，佢已经五岁啦。亨瑞一啲都唔听话。邻居成日话，宜家要改变佢已经好难啦。如果喺佢细个嗰时就训练佢，会容易好多。

要爸爸妈妈学钱嘅知识，或者同亨瑞嘅情况有啲相似。而且睇钱钱讲话嘅样，佢好似系认真嘅。所以我必须要揾到十个我想变得有钱嘅原因，亦即系十个愿望。呢个真系唔容易，因为我有好多愿望其实唔需要好多钱就可以实现。

我用咗足足三个钟头，先列咗下面呢张单：

一架18档嘅变速单车；

所有我想要嘅CD；

一对想买咗好耐嘅好靓嘅运动鞋；

成日打电话俾住喺两万公里以外嘅好朋友，想打几耐就打几耐；

第二年夏天参加交换学生项目去美国，提高自己嘅英文水平；

帮爸爸妈妈还清债务，咁佢哋就唔使咁伤心；

请成家人去意大利餐厅餐好嘅；

帮助同我一样唔系好有钱嘅小朋友；

买一条黑色嘅名牌牛仔裤；

一部笔记本电脑。

写完呢份清单之后，我突然觉得有钱系一件好值得去争取嘅事——有钱人好轻易就可以得到呢啲嘢，亦都可以做好多有趣嘅事。写呢张清单嗰时，我仲谂到咗我嘅几个朋友，我决定问一下钱钱，我可唔可以将自己学到嘅有关钱嘅知识话俾我嘅朋友听。我忽然之后好希望时间可以过得快啲，六点钟可以快啲嚟。咁样，我就可以快啲知道点样先可以令自己变得有钱啦。

转载请注明:http://www.mchongwuzhu.com/lbldxx/23832.html